ზესტაფონის ხელოვნების სკოლა ქართული კლასიკური მუსიკის ეროვნულ კონკურსს მასპინძლობს

ფესტივალი ,,ქართული კლასიკური მუსიკის საღამოები" სტუმრობდა ქართული კლასიკური მუსიკის მე- 9 ეროვნულ კონკურსს ზესტაფონში,რომლის საზეიმო გახსნის ცერემონია გაიმართა ე. შალამბერიძის სახელობის ხელოვნების სკოლაში.

ფესტივალ ,,ქართული კლასიკური მუსიკის საღამოები" -ის დამფუძნებელია პიანისტი,მუსიკოსი,თბილისის სახელმწიფო კონსერვატორიის ასოცირებული პროფესორი თათა ლიჩელი, რომლის ირგვლივ გაერთიანდნენ საქართველოში მოღვაწე მუსიკოს- შემსრულებლები.

"ქართული მუსიკის საღამოები" 2024 წელს ჩატარდა თბილისსა და გორში საქართველოს კულტურის სამინისტროს, თბილისის მერიისა და საქართველოს კომპოზიტორთა კავშირის ხელშეწყობით.

ზესტაფონში გამართულ კონცერტში მონაწილეობდნენ ქართველი მუსიკოს-შემსრულებლები, პიანისტები ვალერიან შიუკაშვილი,თათა ლიჩელი,ნათია ქავთარაძე,დათუნა ალადაშვილი,ლიზი რამიშვილი( ჩელო), გოჩა დათუსანი( ვოკალი), გიორგი ხაინდრავა( ვიოლინო) და ნოდარ მდივანი(კლარნეტი)

კონცერტზე შესრულდა ქართველ კომპოზიტორთა პოპულარული ნაწარმოებები.

ზესტაფონის ხელოვნების სკოლა მე- 3 წელია მასპინძლობს ქართული კლასიკური მუსიკის ეროვნულ კონკურსს,რომლის დამფუძნებელია პიანისტი,საერთაშორისო კონკურსების ლაურეატი,მუსიკოსი,ქართული მუსიკის კონკურსის ჟიურის თავჯდომარე - ვალერიან შიუკაშვილი,რომელმაც მაყურებელს წარუდგინა კომპეტენტური ჟიური:
ირინა ხერჟ
ნინო გურევიჩი
გოჩა დათუსანი
გიორგი ხაინდრავა.
კონკურსის მიზანია ქართული მუსიკის პოპულარიზაცია რეგიონებში და ნიჭიერი ახალგაზრდა შემსრულებლების ახალ ასპარეზზე გამოსვლა.

საღამოს ესწრებოდნენ ზესტაფონის მუნიციპალიტეტის მერი - ვასილ გველესიანი და ადგილობრივი თვითმართველობის წარმომადგენლები. მერი ღონისძიების მონაწილეებს მიესალმა და ფესტივალის მნიშვნელობაზე ისაუბრა, რომლის მხარდამჭერიიცაა ზესტაფონის მუნიციპალიტეტის მერია.