თეატრალურ ფესტივალში მონაწილეობას საქართველოს მასშტაბით, 10 პარტნიორი სკოლის წარმომადგენლები იღებენ, მათ შორის ზესტაფონის ორი საჯარო სკოლის, სოფელ კვალითის და მეორე სვირის N1 საჯარო სკოლის თეატრალური დასები.

ფესტივალის ფარგლებში, მეორე სვირის N 1 საჯარო სკოლამ დავით კლდიაშვილის - "სამანიშვილის დედინაცვალი" წარმოადგინა, ხოლო სოფელ კვალითის საჯარო სკოლამ, მიხეილ ჯავახიშვილის "მუსუსი". სპექტაკლების რეჟისურა ზურა აბესაძეს ეკუთვნის.

თეატრალურ ღონისძიებას განათლებისა და მეცნიერების მინისტრის მოადგილე- თამარ მახარაშვილი, ზესტაფონის მერი - ვასილ გველესიანი, მოადგილე- მალხაზ შერგელაშვილი, საკრებულოს თავმჯდომარე - ვახტანგ ღამბაშიძე, ასევე რეგიონული განვითარების ფონდის წარმომადგემლები ესწრებოდნენ.

" ზესტაფონი სასკოლო თეატრალური ფესტივალის მასპინძელია. მოხარული ვარ, რომ პროექტში აქტიურად ჩაერთნენ ჩვენი სკოლები. დიდი მადლობა ფესტივალის ორგანიზატორებს, რომლებიც აძლევენ შანსს ახალგაზრდებს საკუთარი თავი და შესაძლებლობები წარმოაჩინონ" - განაცხადა ვასილ გველესიანმა

15 ივნისს თეატრალური ფესტივალის საზეიმო დახურვა გაიმართება, სადაც გამოვლინდებიან, როგორც გამარჯვებული სასკოლო დასები, ასევე გამოვლინდებიან სხვადასხვა ნომინაციებში გამარჯვებულები.