ზესტაფონის მუნიციპალიტეტის მერმა, ვასილ გველესიანმა, პარლამენტის წევრ ზვიად შალამბერიძესთან ერთად, ფესტივალი "სულიკო 2025"-ის გამარჯვებულები დააჯილდოვა.

საპრიზო ადგილების მფლობელებს ფულადი ჯილდო, სიგელები და საჩუქრები გადაეცათ. ფესტივალში იმერეთის რეგიონის მუსიკალური გუნდები და ინდივიდუალური შემსრულებლები მონაწილეობდნენ.

ჟიურის გადაწყვეტილებით, "სულიკო 2025" - ის გრანპრის მფლობელი ზესტაფონის კულტურისა და შემოქმედების ცენტრთან არსებული ქალთა ანსამბლი "ჰარმონია" გახდა.

საპრიზო ადგილები ასე გადანაწილდა:

პირველი ადგილი - თერჯოლა - ანსამბლი "მასპინძელო";

მეორე ადგილი - ხარაგაული - ანსამბლი "ხარაგაული";

მესამე ადგილი - ბაღდათი - ანსამბლი "საირმე";

მამუკა ასლანიკაშვილის სახელობის პრიზი - საჩხერე - ანსამბლი "საპოვნელა";

ვარინკა მაჭავარიანი-წერეთლის სახელობის პრიზი - ზესტაფონის კულტურისა და შემოქმედების ცენტრთან არსებული სიმღერისა და ცეკვის ანსამბლი " ზესტაფონი".

ღონისძიებას მუნიციპალიტეტში სტუმრად მყოფი დამეგობრებული ქალაქების დელეგაციები ესწრებოდნენ.

ფესტივალი "სულიკო 2025", რომელიც ვარინკა მაჭავარიანი-წერეთლის ხსოვნას ეძღვნება, ხალხური და ქალაქური სიმღერების საუკეთესო შემსრულებლების გამოსავლენად სოფელ ცხრაწყაროში ყოველწლიურად იმართება.