საქართველოს ფეინთბოლის ეროვნული ფედერაციის ორგანიზებით და ზესტაფონის მერიის მხარდაჭერით, მუნიციპალიტეტში ფეინთბოლის ჩემპიონატი გაიმართა. ტურნირში მონაწილეობას 15 - დან 29 წლამდე ასაკის ახალგაზრდები იღებდნენ.

ღონისძიების ფარგლებში გამოვლინდა სამი საუკეთესო გუნდი, რომლებსაც შესაბამისი თასები გადაეცათ. სამახსოვრო სიგელები ტურნირის ყველა მონაწილემ მიიღო.

საქართველოს ფეინთბოლის ეროვნული ფედერაციის მიზანია აღნიშნული სპორტის პოპულარიზაცია და ახალგაზრდების ჩართულობის გაზრდა ექსტრემალურ სპორტში;
საზოგადოებაში მასობრივ სპორტზე ინფორმირებულობის დონის ამაღლება;
ადგილობრივი თვითმმართველობების პოპულარიზება.