ზესტაფონში 4 საბავშვო ბაღი შენდება

სკოლამდელი განათლების სფეროს განვითარების ხელშეწყობისა და საგანმანათლებლო ინფრასტრუქტურის მშენებლობისა და რეაბილიტაციის პროექტის ფარგლებში, მუნიციპალიტეტში 4 საბავშვო ბაღი შენდება. სკოლამდელი აღზრდის დაწესებულებები სოფელ ფუთში, ძირულაში, ალავერდში და ცხენთაროში შენდება. ახალი შენობები 50 ბავშვზეა გათვლილი.

საბავშვო ბაღების მშენებლობას საქართველოს რეგიონული განვითარებისა და ინფრასტრუქტურის სამინისტროს მუნიციპალური განვითარების ფონდი ახორციელებს. სამშენებლო სამუშაოების დასრულების შემდეგ, ბაღის აღსაზრდელები სკოლამდელი განათლების მიღებას საკუთარ დასახლებებში, საერთაშორისო სტანდარტების შესაბამისად აღჭურვილ შენობებში შეძლებენ.