მუნიციპალიტეტში საგზაო ინფრასტრუქტურული პროექტები, როგორც ქალაქის ტერიტორიაზე, ასევე ადმინისტრაციულ ერთეულებში აქტიურად ხორციელდება.

გზის მოწყობის სამუშაოები მიმდინარეობს ფეროს სამმართველოსა და ქვედა საქარის (გურულების უბანი) დამაკავშირებელ მონაკვეთზე.

მიმდინარე პროექტს ადგილზე გაეცნო ზესტაფონის მერი - ვასილ გველესიანი, ვიცე მერთან - გიორგი ჯუღელთან და ინფრასტრუქტურის სამსახურთან ერთად.

გზის სარეაბილიტაციო სამუშაოები რეგიონული განვითარების ფონდის ფინანსური მხარდაჭერით და მუნიციპალიტეტის თანადაფინანსებით ხორციელდება. პროექტის ღირებულება 481 000 ლარია. სამუშაოებს მერიის დაკვეთით შპს "სანდრო" აწარმოებს. არმირებული ბეტონის საფარი გზის 1200 მეტრიან მონაკვეთზე დაიგება.