ზესტაფონის მუნიციპალიტეტში თოვლის საფარისგან საავტომობილო გზების გაწმენდა ინტენსიურ რეჟიმში მიმდინარეობს.

გზების გაწმენდის სამუშაოებს ადგილზე ეცნობოდნენ საქართველოს პარლამენტის წევრი - ზვიად შალამბერიძე, ზესტაფონის მერი - ვასილ გველესიანი, მოადგილე გიორგი ჯუღელი, საკრებულოს თავმჯდომარე - ვახტანგ ღამბაშიძე და ადგილობრივი თვითმმართველობის წარმომადგენლები.

გაწმენდით სამუშაოებს მუნიციპალურ ტექნიკასთან ერთად კონტრაქტორი კომპანიის წარმომადგენლები აწარმოებენ. ტექნიკა მობილიზებულია, როგორც ქალაქის, ასევე ადმინისტრაციულ ერთეულებში ცენტრალური გზების გასაწმენდად.