ქართული ხელოვნების განვითარებაში შეტანილი წვლილისთვის და წარმატებული შემოქმედებითი მოღვაწეობისთვის ზესტაფონელი ქორეოგრაფები - გარსევან მემანიშვილი და მურად ბაკურაძე საქართველოს ქორეოგრაფიის ამაგდარის ორდენით დაჯილდოვდნენ.

დაჯილდოების საზეიმო ცერემონიას უშანგი ჩხეიძის სახელობის სახელმწიფო დრამატული თეატრი მასპინძლობდა. ღონისძიება იმერეთის, რაჭა - ლეჩხუმ, ქვემო სვანეთის ქორეოგრაფთა კავშირის ორგანიზებით და მუნიციპალიტეტის მერიის მხარდაჭერით გაიმართა. დაჯილდოებაში მონაწილეობას მუნიციპალიტეტის მერიის და საკრებულოს წარმომადგენლები იღებდნენ.

ღონისძიების მიმდინარეობისას, მუნიციპალიტეტში მოქმედმა ქორეოგრაფიულმა ანსამბლებმა საკონცერტო პროგრამა წარმოადგინეს.