ზესტაფონის მუნიციპალიტეტის მერმა ვასილ გველესიანმა, სოფელ ზოვრეთში, რეაბილიტირებული გზის მონაკვეთი დაათვალიერა.

პროექტის ფარგლებში გზის ერთკილომეტრიან მონაკვეთზე არმირებული ბეტონის საფარი მოეწყო. საუბნო გზა ორ სოფელს აკავშირებს ერთმანეთთან, ასევე - მოსახლეობა მიმდებარე სოფლებსაც უკავშირდება.

საგზაო ინფრასტრუქტურის მოსაწყობად ადგილობრივი ბიუჯეტიდან 207 112 ლარი გამოიყო.