ზესტაფონის მუნიციპალიტეტის მერმა ვასილ გველესიანმა ქვედა საქარის რეაბილიტირებული საუბნო გზა დაათვალიერა

გზის რეაბილიტაცია ადგილობრივი ბიუჯეტის დაფინანსებით განხორციელდა.

საგზაო ინფრასტრუქტურის მოსაწყობად ადგილობრივი ბიუჯეტიდან 259 243 ლარი გამოიყო. რეაბილიტირებული გზით ადგილობრივი მოსახლეობა ცენტრალურ მაგისტრალთან დაკავშირებას შეუფერხებლად შეძლებს.

მიმდინარე წელს დასახლებაში ადგილობრივი ბიუჯეტის დაფინანსებით უკვე განხორციელდა მე - 11 ქუჩის კეთილმოწყობის სამუშაოები, რომლის ღირებულება 97 499 ლარს შეადგენს.