ზესტაფონის მუნიციპალიტეტის მერია აჯამურის დასახლებაში ახალ რეკრეაციულ სივრცეს მოაწყობს

ახალი სკვერი გრიშაშვილის ქუჩაზე მოეწყობა. პროექტის ფარგლებში სრულად განახლდება და გამწვანდება ტერიტორია. მოეწყობა ბავშვთა გასართობი სივრცე, განთავსდება დასასვენებელი სკამები, დამონტაჟდება განათების სისტემა.

რეკრეაციული სივრცის მოწყობა რეგიონული განვითარების ფონდის ფინანსური მხარდაჭერით ხორციელდება. პროექტის ღირებულება 108 250 ლარია.