სოფელ ცხრაწყაროში საუბნო გზების სარეაბილიტაციო სამუშაოები დასრულდა

განახლებული ინფრასტრუქტურა ზესტაფონის მერმა, ვახტანგ ღამბაშიძემ, მოადგილე ზაზა ხვედელიძესთან და საკრებულოს თავმჯდომარე მალხაზ შერგელაშვილთან ერთად დაათვალიერა.

"ადგილობრივი ინფრასტრუქტურის განვითარებას მუნიციპალიტეტის მასშტაბით აქტიურად ვაგრძელებთ. სოფელ ცხრაწყაროს მცხოვრებლებს უკვე განახლებული საუბნო გზებით სარგებლობა შეუძლიათ. რეაბილიტირებული გზა მოსახლეობას გადაადგილებას მნიშვნელოვნად გაუმარტივებს", აღნიშნა მერმა.

საუბნო გზების რეაბილიტაცია ადგილობრივი ბიუჯეტის დაფინანსებით განხორციელდა